حتى يلا غابت على عيني
خيالها فعقلي مازال يطوف
بغيت نكتب ليها نعبر على لي فالجوف
تلفاتلي لكتابة وضاعت مني لحروف
ونا لي كنت شحال هذي
نبدع ونسج لقصايد نتباهى
عدت نكتب ونمسح طول الليل
وعقلي فخيالو يتلاهى
لا زين يضاهي زينك
وزينك بحور أنا ضايع بين مواجها
لابسة لكحل والنور ضاير عليك
كيف الكعبة وحجاجها
آه منك لوكان تحسي بقلبي
عاشق ولهان هاجت مواجو
ملي يشوفك تحلالو الدنيا
وملي تغيبي يتعكر مزاجو
شوفي فعيني تكشف ليك دْخَالِي
أما اللغة مابقيت نحتاجها
شوفي فعيني تكشف ليك حالي
تفرش ليك قصايد من ديباجها
#رفيق_دحماني
0 تعليقات
رأيك يهمنا فساهم بتعليقك معنا